"Real" prezidenti Florentino Peres jamoa bosh murabbiyi Xabi Alonso bilan suhbatlashdi. Jurnalist Manu Karreno Cadena SER efirida Peres Alonsoga ko‘rsatma bergani haqida gapirdi. Klub rahbari murabbiyni yulduz hujumchi Vinisius Juniorning g‘azabini qo‘zg‘atmasdan ishlashga chaqirdi.
"Agar sening "Real"ingda Vinisius bo‘lsa, uning jahli chiqishiga yo‘l qo‘yib bo‘lmaydi. Prezident Peres buni Alonsoga tushuntirdi. Futbolchilar - klubning aktivlari, murabbiy esa - yo‘q," - dedi Karreno efirda.
Xabaringiz bor, bir oy muqaddam Vinisius "Barselona"ga qarshi o‘yinda zaxiraga olinganiga g‘azab bilan munosabat bildirgan edi.
Avvalroq matbuotda Vinisius Alonso bilan ish munosabatlaridagi muammolar tufayli shartnomani uzaytirishni istamayotgani haqida yozishgandi. Braziliyalik hujumchining fikricha, murabbiy uni qadrlamaydi. Vinisiusning mehnat shartnomasi 2026/2027 yilgi mavsum yakuniga qadar mo‘ljallangan.
Ronalduning biologik yoshi 40da emas - Whoop
O‘zbekiston terma jamoasi JCH-2026 ochilish o‘yinida ishtirok etishi mumkin, agar...
O‘zbekistonlik iqtidor Ispaniya maydonlarida o‘zini ko‘rsatishni boshladi
