Evroparlament Gruziya bo‘yicha rezolyusiyani qabul qildi, unda saylov natijalarini tan olmadi, yangi ovoz berishga chaqirdi, shuningdek, mamlakat bosh vaziri va partiya yetakchilariga qarshi sanksiyalar qo‘llashni so‘radi. Hujjatni qabul qilish uchun 444 deputat «ma’qul» ovoz berdi, 72 nafari «qarshi», 82 nafari esa betaraf qoldi.
Rezolyusiyada qayd etilganidek, «qoidabuzarliklar ko‘lami tufayli ovoz berishning qonuniyligi jiddiy ravishda buzilganligi sababli, xalqaro hamjamiyat saylov natijalarini tan olmasligi kerak». Shu sababli, Yevropa parlamenti «parlament saylovlarining har qanday tan olinishini rad etadi va ularni xalqaro kuzatuv ostida bir yil ichida takrorlashga chaqiradi».
Evroparlament Yevropa Ittifoqini «demokratik orqaga qaytishlar, saylov qonunlari va standartlarini buzish, ma’muriy suiiste’mollar va davlat institutlaridan suiiste’mol qilish» uchun mas’ul bo‘lgan Gruziya rasmiylari va siyosiy yetakchilariga qarshi shaxsiy sanksiyalar qo‘llashga chaqirdi.
Bundan tashqari, Yevroparlament Yevrokomissiya va YEI Kengashini Gruziyaning vizasiz maqomini to‘xtatib turish imkoniyati bilan qayta ko‘rib chiqishga chaqirdi, shuningdek, «Rossiyaning Gruziyadagi demokratik jarayonlarga tizimli aralashuvini» qoraladi.
Rossiya rubli ham quladi
Nemislar bir narsani bilishadi
Turkiyaning qarori Rossiyaning rejalarini barbod qilgani ma’lum bo‘ldi
