Evropa Ittifoqi mamlakatlarida nonning o‘rtacha narxi bir yil ichida 18 foizga oshdi. Bu haqda Yevrostat Yevropa statistika agentligi ma’lum qildi, deya xabar beradi euronews.com.
2022 yil avgust oyida non narxining oshishi Vengriyada (66 foiz), Litvada (33 foiz), Estoniya va Slovakiyada (har ikki mamlakatda 32 foiz) qayd etilgan.
Taqqoslash uchun, Fransiyada non narxi biroz oshdi - 8%. Niderlandiya va Lyuksemburgda oziq-ovqat narxi 10 foizga oshgan.
«Non, oziq-ovqat, go‘sht – oziq-ovqat qimmatlashdi. Ayniqsa, yog‘lar va non kabi asosiy oziq-ovqat mahsulotlari narxlari keskin ko‘tarildi», - deyiladi Yevrostat saytida.
