Evropa Ittifoqi Rossiyaga qarshi navbatdagi cheklovlarni tasdiqlashga tayyorlanmoqda

Evropa Ittifoqining tashqi siyosat bo‘yicha oliy vakili Kaya Kallas Rossiyaga qarshi Yevropa Ittifoqining navbatdagi — hisob bo‘yicha 20-sanksiyalar paketi 23 fevral kuni YEI Tashqi ishlar vazirlarining sammitida tasdiqlanishiga ishonch bildirdi. Bu haqda xorijiy OAVga tayanib xabar berilmoqda.

"Dushanba kuni biz Rossiyaga qarshi 20-sanksiyalar paketini qabul qilamiz", — dedi Kallas.

Bundan avval OAVlar YEIga a’zo 27 ta davlat elchilari 20 fevral kuni bo‘lib o‘tgan rejali yig‘ilishda 20-sanksiyalar paketi bo‘yicha kelishuvga erisha olmaganliklari haqida yozgan edi.