Evropa Ittifoqi Rossiyaga qarshi 15-sanksiyalar paketini elchilar darajasida tasdiqladi

Evropa Ittifoqi davlatlarining Bryusseldagi doimiy vakillari Ukrainaga nisbatan tajovuzkorligi uchun Rossiyaga qarshi yangi sanksiyalar paketini ma’qulladi.

Sanksiya choralarning yangi paketi tankerlarning “soya floti”ga qarshi kurashishga qaratilgan bo‘lib, uning yordamida Moskva G7 mamlakatlari va ularning hamkorlari tomonidan belgilangan neft narxi chegarasini chetlab o‘tmoqda.

DW'ning bir nechta manbalariga ko‘ra, Rossiyaning Ukrainaga keng ko‘lamli bostirib kirishi boshlanganining uch yilligiga to‘g‘ri kelishi mumkin bo‘lgan kattaroq 16chi sanksiyalar paketi ham tayyorlanish jarayonida.