Eron shimoli-g‘arbida sodir bo‘lgan zilzila oqibatida kamida 390 kishi jabrlandi.
Bu haqda Fars agentligiga tayanib, “RIA Novosti” xabar bermoqda.
“Hozirgi kunga qadar jabrlanganlarning umumiy soni 390 kishini tashkil etadi, ulardan 135 nafari kasalxonaga yotqizilgan”, — deyiladi maqolada.
Ta’kidlanishicha, ehtimoliy qurbonlar haqida ma’lumot olinmagan.
Shuningdek, 25 ga yaqin uy 50 foizdan 100 foizgacha zarar ko‘rgani qayd etilgan.