Endi koronavirusga qarshi vaksina olganlarga 100 dollardan to‘lanadi — hukumat

Nyu-Yorkda endi koronavirusga qarshi vaksina olgan fuqarolarning har biri 100 AQSh dollaridan oladi. Bu haqda shahar hukumati xabar berdi.

Vaksinaning birinchi dozasini olganlarga pul to‘lanadi. "Bu oddiy holat, — deydi Nyu-York rasmiylari, — fuqarolarni emlashga majburlashning samarali yo‘li".

Bahorda Amerika shtatlaridan birida aholini emlashga undashga harakat qilishdi. Emlanganlarga lotereya chiptalari berildi. Bir nodavlat tashkilot hattoki emlanganlarga marixuana solingan sigaretlarni ham taklif qildi, chunki Nyu-Yorkda undan foydalanish taqiqlanmagan.