Gollivud aktyori Dueyn “Qoya” Jonson “Qasoskorlar”da suratga tushgan aktyorlar Kris Xemsvort va Kichik Robert Daunini ortda qoldirib, eng serdaromad aktyorlar ro‘yxatiga yetakchilik qilmoqda. Bu haqda Forbes’ga iqtibos keltirgan holda Entertainment Weekly nashri xabar berdi.
Ta’kidlanishicha, aktyor 2018 yilning 1 iyunidan 2019 yilning 1 iyunigacha 89,4 mln dollar ishlab topgan.
O‘tgan yil Jonson ishtirokida “Osmono‘par bino” filmi suratga chiqqandi. Bundan tashqari, u HBO telekanalidagi “Futbolchilar” serialining har bir seriyasi uchun 700 ming dollardan va kiyim-kechak, poyabzal va quloqchinlar qatoridan millionlab dollar ulush oladi. Aktyor, shuningdek, “Forsaj: Xobbs va Shou” filmi tushumidan foizlar oladi.
Ro‘yxatning 2- va 3-o‘rinlarini Kris Xemsvort (62,9 mln dollar) va Kichik Robert Dauni (66 mln) asosan “ Qasoskorlar: Intiho” filmidagi ishiroklari uchun egallashgan. Keyingi o‘rinlarni hind aktyori Akshay Kumar (65 mln) va afsonaviy Jeki Chan (58 mln) egallamoqda.
Etakchi o‘ntalikka Bredli Kuper (57 mln), Adam Sendler (57 mln), Kris Evans (43,5 mln), Pol Radd (42 mln) va Uill Smit (35 mln) ham kirgan.
O‘tgan yilgi ro‘yxat yetakchisi Jorj Kluni o‘ntalikka ham kirmagan.
Xonanda Lolaning "Sog‘inch" klipi taqdimoti bo‘lib o‘tdi
Shoxrux Hamdamov investisiyani qayerga tikish kerakligini aytib o‘tdi
Bred Pitt va Anjelina Jolining 15 yoshli qizi Vivyen onasi bilan spektakl taqdimotiga keldi
