Dinga da’vat qanday qilinadi?

7- Ibn Abbos roziyallohu anhumo rivoyat qilgan hadis: Rasululloh sollollohu alayhi va sallam Muoz roziyallohu anhuni Yamanga yuborayotib shunday dedilar: “Sen ahli Kitob bo‘lgan qavm oldiga bormoqdasan. Bas, sen ularni birinchi da’vat qiladigan narsa Allohga ibodat qilish bo‘lsin, agar Allohni tanisalar, undan keyin ularga Alloh taolo bir kecha va kunduzlarida besh namozni farz qilganligini yetkazgin. (Qabul) qilsalar, ularga Alloh taolo mollaridan zakot berishlarini va sen (ular bergan zakotni) faqirlariga qaytarishingni  farz qilganini ma’lum qilgin. Agar bunga itoat qilsalar, ulardan olgin, (lekin zakot yig‘ishda) odamlarning baholi bo‘lgan mollari(ni saralab olish)dan saqlangin”.

Arabchadan Ziyouddin MANSUR tarjimasi