Bojxona xodimlari yurtimizga tovar-moddiy boyliklarni noqonuniy yo‘llar bilan olib kirishga bo‘lgan urinishlarni o‘z vaqtida fosh etishmoqda.
Xususan, Buxoro viloyati bojxona boshqarmasi “Buxoro” tashqi iqtisodiy faoliyat bojxona posti xodimlari tomonidan xorijdan temir yo‘l konteynerlarida yurtimizdagi MCHJ nomiga keltirilgan yuklar bojxona nazoratidan o‘tkazildi. Bu haqda Davlat bojxona qo‘mitasi axborot xizmati xabar bermoqda.
Natijada, bojxona yuk deklarasiyasida hamda yuk kuzatuv hujjatlarida ko‘rsatilganidan ortiqcha umumiy qiymati 256 million so‘mlik 163 dona “shveller” tovarlari borligi aniqlandi.
Hozirda holat yuzasidan bojxona organlari tomonidan surishtiruv harakatlari davom ettirilmoqda.