Toshkent viloyati IIBB YHXBga kelgan avtomobil Qirg‘izistonda uzoq yillardan buyon qidiruvdaligi ma’lum bo‘ldi. Bu haqda IIV YHXBB Axborot xizmati xabar qilmoqda.
Ma’lum qilinishicha, joriy yilning 15 oktyabr kuni Bo‘stonliq tumanida istiqomat qiluvchi, 1988 yilda tug‘ilgan fuqaro B.A. o‘ziga tegishli bo‘lgan 1987 yilda ishlab chiqarilgan “Vaz-2106” rusumli avtomobilining eski namunadagi qayd etish guvohnomasini yangisiga almashtirish uchun ariza bilan murojaat qilgan.
Ushbu avtomobilning ma’lumoti va agregat raqami tekshirilganda Qirg‘iziston Respublikasidan olib qochilganligi va 1998 yil 20 fevral kunidan buyon qidiruvda ekanligi aniqlangan.
Malumot uchun, O‘zbekiston Respublikasi IIV YHXBBda ro‘yhatga olinayotgan, qayta ro‘yhatdan o‘tkazilayotgan, ro‘yhatdan chiqarilayotgan transport vositalari O‘zbekiston Respublikasi IIV “Yagona avtomatlashtirilgan hisob tizimi” bazasidan tekshiruvdan o‘tkazilishi lozim. Ushbu tizimdan tekshiruvdan o‘tkazish 2015 yildan yo‘lga qo‘yilgan bo‘lib, avtomatik tarzda ishlaydi.
Farg‘onada pul berishni va’da qilib, o‘smir bilan jinsiy aloqa qilgan yigit ushlandi
Xorazmda bir ayol uyiga mehmon bo‘lib kelgan ayolni o‘ldirib, hovliga ko‘mib yubordi
Afg‘onistonda "Tolibon"ning nufuzli amaldori shov-shuvli tarzda o‘ldirildi
