Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.
Ey Alloh! Barchamizga Baytingni tavof qilishni, Payg‘ambarimiz sollallohu alayhi vasallam o‘pgan hajarul asvadni o‘pib, muborak qadamlarining izi tushgan yo‘llarda yurishni nasib etgin! Omin!
*****
Senga isyon qildik, Sen bizni satr qilding.
Seni unutdik, Sen bizni unutmading.
Sening g‘azabingni keltiradigan amal qildik, Sen bizga rahm qilding.
“Ey Alloh, albatta, Sen Afuvv, Karimsan. Afvni yaxshi ko‘rasan, bas, bizni afv etgin!”
*****
Imom Ahmad ibn Harb rahimahulloh shunday deganlar:
«Allohga ellik yil ibodat qildim. Uch narsani tark qilmagunimcha ibodat halovatini topmadim:
«Siyaru a’lamin nubala» kitobidan
*****
Erkak o‘zining janozasi uchun tobutda masjidga olib kirilmaguncha masjidga kirmay yuraveradimi?!
Ayolni kafanlikka o‘rashmaguncha avratini berkitmay yuraveradimi?!
*****
Bir kunda besh marta tahorat oladigan ayolning pardoz-andozga ehtiyoji tushmaydi!
*****
Bir kishi Xolid ibn Valid roziyallohu anhuni so‘kdi. Buyuk sahobiy unga o‘girilib qaradilar-da, «U sening sahifang, uni istagan narsang bilan to‘ldir» dedilar.
*****
Ovozingni ko‘tarma, balki so‘zlaring saviyasini ko‘tar. Gullarning o‘sishiga sabab bo‘ladigan narsa yomg‘irdir, momaqaldiroq emas.
Jaloliddin Rumiy rahimahulloh
*****
Uylanmoqchi bo‘lganingda, o‘zingga: «Ushbu ayol men u bilan umr bo‘yi gaplashishni istagan ayolmi?» deb savol ber.
«Tarix muhrlagan so‘zlar»
*****
Ustozlarimizdan birlari: «Agar ayolim itoatsizlik qilsa, darhol o‘tirib istig‘for aytaman. Keyin Allohning izni bilan yana itoat qila boshlaydi» degan edilar.
*****
Ey Odam farzandi, sen kunlardan iboratsan. Har gal bir kun ketsa bir qisming ham ketgan bo‘ladi.
Hasan Basriy rahimahulloh
*****
Meni yomon ko‘rganlarni yomon ko‘rishga vaqtim yo‘q. Chunki men, meni yaxshi ko‘rganlarni yaxshi ko‘rish bilan bandman.
Mahmud Darvesh
*****
Taom uzatgan qo‘lingni tishlaydigan kimsalar odatda o‘zlarini tepadigan oyoqdagi poyabzalni yalaydilar.
«Tarix muhrlagan so‘zlar»
*****
Pulingiz ko‘payib, boy bo‘lganingizda qarindoshu yaqinlaringiz ko‘pligini bilib qolasiz.
*****
Boshqa millatlar o‘z millati nomini faxr bilan tilga oladi. Nega biz millatimiz nomini ko‘pincha “qovun tushirganda”, xato sodir bo‘lganda tilga olamiz? “O‘zbekchilik-da buyog‘i, aka” deymiz. Xato qilganimizda xatoni o‘zimizga nisbat berishni o‘rganaylik, millatimizga emas. “Kamchiligim bor-da”, “Malakam yetishmadi”, “Xato qilib qo‘ydim. Albatta, tuzataman” kabi uslubda gapirilsa o‘rinli bo‘lardi. Bu millat qanchadan qancha ulug‘larni yetishtirgan. O‘zi aslida millat so‘zini zarurat bo‘lmasa ishlatavermagan ma’qul. Aks holda, gap millatchilik mavzusiga o‘tib ketishi mumkin. Millat nomi yutuqni qo‘lga kiritilgan, zafar qozonilgan, yaxshilik sodir bo‘lgan o‘rinlarda ishlatilsa maqsadga muvofiq bo‘ladi.
(Boshqalar qanday fikrda bilmadim. Men shunaqa deb o‘ylayman)
*****
