Britaniya Kiberxavfsizlik milliy markazi mamlakat hukumati 5G tarmoqlarida Xitoyda ishlab chiqarilgan qurilmalardan foydalanish bilan bog‘liq tahdidlarni nazorat qila oladi degan xulosaga keldi. Shuning uchun mamlakat hukumatining Huawei qurilmalaridan voz kechish niyati yo‘q. Bu haqda Financial Times xabar bermoqda, deb yozadi Kommersant’ .
Shu tariqa, Britaniya Xitoy ishlab chiqaruvchilari josuslikda ayblangandan so‘ng Donald Trampning ular bilan ishlashni to‘xtatish haqidagi chaqirig‘ini qo‘llab-quvvatlamadi.
Yanvar oyi oxirida AQSh Adliya vazirligi Huawei Technologies, uning bir nechta bo‘linmalari va kompaniya moliyaviy direktori Men Vanchjouga bank firibgarligi, odil sudlovga to‘sqinlik qilish, shuningdek, T-Mobile US Ins. texnologiyalarini o‘g‘irlash maqsadida til biriktirish ayblovlarini e’lon qilgan edi.
Hozirda Donald Tramp simsiz tarmoqlar sohasida ishlovchi Amerika kompaniyalarining qurilmalarning xorijiy yetkazuvchilari bilan hamkorlik qilishini taqiqlovchi farmonni imzolashga tayyorlanmoqda.
Manba: daryo.uz
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
