O‘zbekiston Respublikasining 2019 yil 29 iyuldagi «Qurol to‘g‘risida»gi Qonuniga muvofiq fuqaroviy va xizmat qurolini hamda uning o‘q-dorilarini O‘zbekiston Respublikasi hududiga olib kirish yoki olib chiqish, tranzit qilish O‘zbekiston Respublikasi Milliy gvardiyasining ruxsatnomalariga ko‘ra amalga oshiriladi.
Amaldagi qonunchilikda esa kontrabanda, ya’ni bojxona nazoratini chetlab yoki bojxona nazoratidan yashirib yoxud bojxona hujjatlari yoki vositalariga o‘xshatib yasalgan hujjatlardan aldash yo‘li bilan foydalanib, deklarasiyasiz yoki boshqa nomga yozilgan deklarasiyadan foydalanib qurol-yarog‘, o‘qotar qurol yoki o‘q-dorilarni O‘zbekiston Respublikasining bojxona chegarasidan o‘tkazish uchun javobgarlik belgilangan.