"Biz maxfiy razvedka ma’lumotlari bilan bog‘liq masalalarga izoh bermaymiz."

Oq uy WSJ nashrining AQShning Rossiya ichkarisiga zarba berish uchun Kiyev bilan razvedka ma’lumotlarini baham ko‘rishga tayyorligi haqidagi maqolasiga izoh berishdan bosh tortdi.

"Biz maxfiy razvedka ma’lumotlari bilan bog‘liq masalalarga izoh bermaymiz. Buni omma oldida qilish mas’uliyatsizlik bo‘lardi," - dedi Oq uy matbuot kotibi Kerolayn Levitt.

Avvalroq The Wall Street Journal AQSh prezidenti Donald Tramp go‘yoki Ukrainaga Rossiya ichkarisidagi nishonlar haqida ma’lumot berishni ma’qullagani haqida xabar bergan edi. Nashrning yozishicha, bu qaror Kiyev rejimiga kuchliroq qurollarni, masalan, Tomahawk raketalarini topshirish imkoniyati bilan bog‘liq bo‘lishi mumkin.

Gazeta o‘z manbalariga tayanib, Vashington Kiyevga aloqa chizig‘idan uzoqda joylashgan Rossiya energetika infratuzilmasi ob’ektlariga uzoq masofali raketalar va dronlarni yo‘naltirish uchun vositalar taqdim etishini da’vo qilmoqda.