Birlashgan Millatlar Tashkiloti: Livanda 900 mingga yaqin odam o‘z uyini tark etdi

Isroil va Hizbulloh harakati o‘rtasidagi janglar tufayli 896,3 ming Livan aholisi o‘z uylarini tark etishga majbur bo‘ldi.

Agentlik ma’lumotlariga ko‘ra, qochqinlarning 51 foizini ayollar tashkil qiladi. Livanda ichki ko‘chirilganlar uchun 1173 ta vaqtinchalik boshpana mavjud. Ulardan 975 tasi to‘liq to‘ldirilgan bo‘lib, ularda 188 mingdan ortiq kishi bor.

To‘qnashuvlar oqibatida halok bo‘lganlar soni 3,5 mingdan oshadi, 15 mingdan ortiq kishi jarohatlangan.