* * *
— Eshitdingmi, Toshmatvoy aka tomorqasiga judayam qo‘rqinchli yog‘och haykalcha qo‘yib olibdi!?
— Yo‘g‘-e!
— Ha, haykalcha shu qadar qo‘rqinchli ekanki, o‘tgan yili don o‘g‘irlab ketgan qarg‘alarning hammasi o‘sha donlarni qaytarib berishibdi.
* * *
Ota o‘g‘lidan so‘radi:
— Xo‘sh, maktabda ishlar qalay?
— Zo‘r! Beshinchi sinf bilan o‘zaro shartnoma muddatini yana bir yilga cho‘zdim!
* * *
Xotin eriga qo‘ng‘iroq qilayapti:
— Ishlar qalay?
— Yaxshi.
— Sog‘lig‘ingiz-chi?
— Yaxshi.
— Men siz bilan ajrashaman.
— Yaxshi.
* * *
Qariya tengdoshiga dedi:
— Bugun havo sovuqmi deyman?!
— Ha, lekin siz sovqotmaysiz.
— Nega?
— Chunki sigaret chekayapsiz.
— Siz ham sovqtmaysiz.
— Nimaga?
— Ko‘zoynak taqib olgansiz.
* * *
E’LON:
— Azizlar! O‘ttiz yoshga yetganingizda fotosalonga kirib, ¾ hajmdagi suratga tushib qo‘ying...
45 yoshda pasport almashtirganingizda asqotadi.
* * *
Ikki do‘st uchrashib qolishdi.
— Men qariyapman.
— Nimadan?
— Ayollarning savollaridan.
— Qanaqa savolidan?
— Ilgari ayollar mendan: “Nega uylanmayapsiz?” deb so‘rashardi.
— Endi-chi?
— “Nega uylangansiz o‘zi?” deb so‘rashayapti.
* * *
— Do‘xtir, rahmat! Meni boylik vasvasasidan xalos etdingiz! Xo‘sh, xizmat haqingizga necha million so‘m so‘raysiz?
* * *
Juhud xotinini begona erkak bilan tutib oldi. Sudda undan so‘rashdi:
— Nega o‘sha erkakning peshonasiga to‘pponcha tiradingiz-u, otib tashlamadingiz?
— Men to‘pponchani uning boshiga tiraganimda: “Shu to‘pponchang uchun qancha so‘raysan” dedi. O‘zingiz o‘ylang, tijorat haqida gapirgan odamniyam o‘ldirib bo‘larkanmi.
* * *
Er teskari o‘girilib kiyimini almashtirardi. Xotini yelkasi tirnalganini ko‘rib so‘radi:
— Yelkangizni kim tirnadi?
— E, yo‘lda ketayotsam, allakimning tomidan bir mushukcha ustimga sakrasa bo‘ladimi!.. O‘sha mushukcha...
— To‘g‘ri, demak, lab bo‘yog‘i bilan “Sizning mushukchangiz” deb o‘sha yozgan ekan-da?!.
* * *
Yigit qizga dedi:
— Yur, restoranga boramiz!
— Men, bormayman. Sizdan xafaman.
— Yura qolgin!
— Mensiz boravering.
— Qanday qilib sensiz boraman? Axir, pulim yo‘q-ku!
