Bir guruh eronlik fuqarolar qalbaki pasport bilan O‘zbekistonga kirishga urindi

Mamlakatimiz fuqarolari va yurtimizga kirib kelayotgan sayyohlarga O‘zbekiston Respublikasi davlat chegarasidan o‘tish bo‘yicha muayyan qonun-qoidalar to‘g‘risidagi targ‘ibot olib borilishiga qaramay ba’zi bir shaxslar tomonidan qonunbuzarlik holatlari uchrab turmoqda.
Shu yilning 4 dekabr kuni Islom Karimov nomidagi “Toshkent” xalqaro aeroportida DXX Chegara qo‘shinlari harbiy xizmatchilari tomonidan hujjatlarni nazoratdan o‘tkazish vaqtida ana shunday shaxslardan 5 nafari qo‘lga olindi. Asli Eron Islom Respublikasi fuqarolari bo‘lgan bu shaxslar taqdim etgan Ispaniya davlatining fuqarolik pasportlari tekshirilganda ularning qalbaki ekanligi ma’lum bo‘ldi. Ularga nisbatan tegishli choralar ko‘rildi.