«Barselona» yarimhimoyachisi Serxi Robertoda koronavirus aniqlandi. Bu haqda klub rasmiy sayti xabar berdi. Futbolchida kasallik alomatlari yo‘q, ammo u izolyasiyaga olingan.
Eslatib o‘tamiz, Roberto La Liganing 10-turidan o‘rin olgan «Atletiko»ga (0:1) qarshi bahsda o‘ng son mushaklaridan jarohat olgan va hozirda tiklanishni davom ettirmoqda.
28 yoshli yarimhimoyachi bu mavsumda kataloniyaliklar safida 10ta o‘yin o‘tkazib, 1ta gol va 2ta assistni o‘z hisobiga yozdirib qo‘ygan. Uning klub bilan amaldagi shartnomasi 2022 yilgacha mo‘ljallangan.