AQShda Tramp siyosatiga qarshi namoyishlar bo‘lib o‘tdi

Shanba kuni AQSh bo‘ylab minglab odamlar prezident Donald Tramp va uning ma’muriyati siyosatiga norozilik bildirish uchun ko‘chalarga chiqdi.

Bu haqda yakshanba kuni BBC xabar berdi.

Qayd etilishicha, norozilik Trampning xatti-harakatlari, xususan, tariflar va uning hukumat xodimlari sonini qisqartirish va Hukumat samaradorligi departamentini (DOGE) yaratish orqali byudjet xarajatlarini kamaytirish tashabbusi bilan yuzaga kelgan.

Namoyishchilar Britaniya hukmronligiga qarshi inqilob yilligi sharafiga “Qirollar yo‘q” deb yozilgan plakatlarni ushlab turishgan, deyiladi xabarda.

Xususan, Bostonda Trampga qarshi “50501” (“50 norozilik, 50 shtat, 1 harakat”) deb nomlangan norozilik aksiyasi bo‘lib o‘tdi.

"Bu AQShda erkinlik uchun xavfli paytlar. Men nevaralarim mamlakatimiz qayerdan kelganini va ozodlik uchun kurashish kerakligini bilishlarini istayman", - deydi mitingga oilasi bilan kelgan namoyishchi Tomas Bassford.

Shu oy boshida AQShning qator shaharlarida ham Tramp yuritayotgan siyosatdan norozilik tufayli ommaviy norozilik namoyishlari bo‘lib o‘tdi.