AQShda 600 ga yaqin odam "Helen" to‘foni qurboni bo‘lishi mumkin

AQShda 600 ga yaqin odam "Helen" to‘foni qurboni bo‘lishi mumkin.

Bu haqda AQSh ichki xavfsizlik departamenti ma’lum qildi. "Ehtimol, 600 kishi halok bo‘lgandir. Biz 600 kishi bedarak yo‘qolganini aniq bilamiz", deyiladi departament xabarida.

"Helen" to‘foni Floridadan Virjiniyagacha bo‘lgan halokatli suv toshqinlarini keltirib chiqardi, yo‘llar va ko‘priklarga jiddiy zarar yetkazdi va millionlab odamlarni elektr energiyasidan mahrum qildi. Turli manbalarga ko‘ra, yetkazilgan zarar 15 milliard dollardan 100 milliard dollargacha baholanmoqda. Qo‘shma Shtatlarda keng ko‘lamli tozalash va tiklash ishlari olib borilmoqda.