AQSh NVidia va AMDning sun’iy ong uchun chiplari eksportini cheklashi mumkin

AQSh ma’muriyati NVidia, AMD va Amerikaning boshqa kompaniyalari tomonidan sun’iy intellektni (SI) tezlashtirish uchun ishlab chiqarilgan chiplarni ayrim mamlakatlarga eksportini cheklashni ko‘rib chiqmoqda, deb xabar qildi Bloomberg.

So‘nggi vaqtda Fors Ko‘rfazi mamlakatlarida, xususan Saudiya Arabistoni va BAAda SI texnologiyalariga qiziqish ortib borayotgan edi. Ushbu mamlakatlar asosiy hamkor sifatida AQShni ko‘rib chiqayotgani ham aytilgan edi.

Xitoyga nisbatan SIni rivojlantirishga qarshi cheklovlar AQSh tomonidan allaqachon kiritilgan.