"Anchelotti va yana bir necha futbolchilar Mbappe "Real"ga o‘tishini xohlamagan" - Fransiya terma jamoasi sobiq futbolchisi

Fransiya terma jamoasi sobiq futbolchisi Emmanuel Petining fikricha, "Real"dagilar Kilian Mbappe bilan shartnoma tuzilishiga qarshi bo‘lishgan.

"Anchelotti va yana bir necha futbolchilar Mbappe "Real"ga o‘tishini xohlamaganiga ishonchim komil.

Bu jamoa LaLiga va Chempionlar ligasi g‘olibi edi, Mbappening tashrifi esa noqulayliklar olib keldi. Chempionlar ligasidagi g‘alabadan so‘ng Anchelotti shoxsupada edi, u ham jamoaga 2-3 futbolchi qo‘shilishini istagan, ammo katta yulduzlarni emas.

Katta sovrin yutsangiz baxt taqdim etadigan atmosfera yaratasiz, katta egolarni taklif qilish esa o‘zgarishlarga sabab bo‘ladi. Mbappening eng katta muammosi - jamoada yulduz bo‘lishni va "Oltin to‘p" yutishni istayotgan Vinisius va Bellingemning borligi" - dedi Peti.