Ana xolos! Olimpiya chempionini tug‘ilgan kunida to‘nab ketishdi

Eng taniqli ukrainalik sportchilardan biri, to‘rt karra Olimpiya chempioni Yana Klochkovani tug‘ilgan kunida to‘nab ketishdi.

Bu haqda sportchining do‘sti Timofey Nagorniy o‘zining Feysbukdagi sahifasida ma’lum qildi.

Ta’kidlanishicha, 7-avgust kuni 38 yoshni qarshilagan Klochkova juda yoqimsiz sovg‘ani “qabul qilib olgan”.

"Shok! Do‘stlar, afsuski, men yoqimsiz yangilik bilan bo‘lishmoqchiman. Ukraina qahramoni, to‘rt karra Olimpiya chempioni, jahon rekordchisi Yana Klochkova o‘z tug‘ilgan kunida to‘nab ketildi. Huquq-tartibot idoralari o‘g‘rilarni topishiga, yaxshi odamlarning Yanaga yordam berishiga umid qilaman", - deb yozgan Nagorniy ijtimoiy tarmoqda.