Ana xolos! Britaniyada gripp koronavirusdan ko‘ra ko‘proq insonlarning hayotiga zomin bo‘ldi

Buyuk Britaniyadagi grippdan vafot etganlar soni koronavirus tufayli hayotdan ko‘z yumganlar ko‘rsatkichidan oshdi.

Bu haqda “Daily Mail” Buyuk Britaniya milliy statistika xizmatiga tayanib xabar qildi.

Statistikaga ko‘ra, 19 iyundan 31 iyulgacha mamlakatda 6,626 kishi COVID-19 bilan bog‘liq bo‘lmagan gripp va pnevmoniyadan vafot etgan. Ayni shu davrda koronavirus sabab hayotdan ko‘z yumganlar 2999 kishini  tashkil etgan.

Bundan tashqari, o‘tgan oyning oxirida 928 kishi gripp, 193 bemor esa COVID-19ning qurboniga aylangan.