Ana xolos! Avstriyaliklarga yuzni to‘sish shart qilindi

Avstriya supermarketlarida xaridorlarga ochiq yuz bilan savdo qilish taqiqlandi, bu esa mamlakat musulmonlarining istehzosiga sabab bo‘ldi, chunki bundan uch yil oldin musulmon ayollarga yuzlari yopiq holda ommaviy joylarda yurish taqiqlangan edi. 

“Ayni paytda supermarketlar oldida fuqarolarga niqoblar berilmoqda va ularni do‘konda taqish majburiy”, – dedi Avstriya kansleri Sebastyan Kurs. 

The National saytida keltirilishicha, kansler nafaqat do‘konlarda, balki jamoat joylarida ham yuzni to‘sib yurish masalasini ko‘tarib, fuqarolarning chaqiriqqa ongli ravishda rioya etishiga umid qilishini aytgan.