Yangi zelandiyalik sayyoh Joshua Dent tomat pastasi tufayli koronavirusni yuqtirganini sezib qoldi. Yigitda burun oqishi, bosh og‘rig‘i, holsizlikdan tashqari ta’m bilish qobiliyatining o‘zgarishi ham kuzatildi, deb yozadi Daily Mail.
23 yoshli Yangi Zelandiya fuqarosi Londondan uyiga uchayotgan edi. Samolyotda uning mazasi qochdi. U o‘zida kuchli charchoqni sezdi, buning ustiga burni oqib, boshi qattiq og‘riy boshladi.
Biroq koronavirusni yuqtirganini Dent ovqatlanib olishga qaror qilganidan so‘ng sezib qoldi. Tomat pastasining mazasi umuman boshqacha tuyuldi.
«Tomat pastasidan metal mazasi kelardi. Men hatto boshqa firma tomonidan ishlab chiqarilgan tomat pastasini olib, yeb ko‘rdim. Lekin uning mazasi o‘zgarmadi. Metal ta’mi infeksiyadan davolanmagunimcha saqlanib qoldi», — deb hikoya qiladi Joshua Dent.
Yigitning qo‘shimcha qilishicha, kasallik davomida boshqa mahsulotlar o‘z ta’mini saqlab qolgan.
Joshuaning aytishicha, koronavirusdan sog‘ayganidan so‘ng bunga ishonch hosil qilish uchun birinchi bo‘lib tomat pastasi va kolbasali buterbrod yeb ko‘rgan.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
AQShda Ukraina haqida kutilmagan bayonot berildi
