AQSh tarixidagi eng qimmat uy – Kaliforniya shtati Los-Anjeles shahrining hashamdor mavzesi hisoblanadigan Bel-Eyrdagi qasr sotuvga qo‘yildi. "The One" nomi bilan mashhur bo‘lgan ushbu qasr 340 million dollarga baholangan.
Bu haqda The Sun xabar bermoqda.
Nashrning ma’lum qilishicha, salkam 10 ming kvadrat-metr maydondagi bu turarjoy Yer yuzidagi eng katta xususiy uy sanaladi. "The One" yer sathidan ancha baland nuqtada tiklangan bo‘lib, u yerdan Los-Anjeles kaftdek ko‘rinib turadi.
Qasr 21 ta yotoqxona, 42 ta vannaxona, 5 ta basseyn, kegelban o‘ynash uchun to‘rt yo‘lakli maydoncha, 30 ta avtomobil uchun mo‘ljallangan garaj, kinoteatrni o‘z ichiga oladi. Shuningdek, binoning bir qanoti xayriya tadbirlari o‘tkazish uchun mo‘ljalab qurilgan. Interyerlar g‘ayrioddiy mebellar hamda neytral ranglar gammasi bilan ajralib turadi. Uy zamonaviy san’at asarlari bilan bezatilgan.
Ushbu qasr amerikalik kinoprodyuser Nayl Nayamiga tegishli. U "The One" qasrini 2013 yildayoq qurishni boshlagan edi. Uy qurilishida 600 dan ortiq odam ishtirok etgan. Uyning loyihasi mashhur me’mor Pol Maklin tomonidan ishlangan.
Ayni paytga qadar, AQSh tarixida eng qimmat narxda sotilgan uy Nyu-York shtatining Xempton shahrida joylashgan bo‘lib, u 2014 yilda 137 million dollarga baholangan.
Ukraina prezidenti Rossiya bilan muzokaralarga tayyor ekanini aytdi
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
