14 yoshli aktyor Jek Berns vafot etdi. Bu haqda Britaniyaning “Metro” nashri xabar bermoqda.
Jek Berns "Ko‘z oldida", "Bizlardan birimiz" va "Musofir ayol" kabi teleseriallardagi epizodik rollari bilan tanilgan. Bundan tashqari, u balet raqqosi bo‘lgan - u nufuzli o‘quv yurtida tahsil olgan.
Jek Berns ota-onasi bilan Shotlandiyaning Grenok shahrida yashar edi. Yigitning o‘limi sababi hozircha ma’lum emas, ammo mahalliy huquq-tartibot idoralari dalillarni sinchkovlik bilan o‘rganishmoqda.
12 oktabr kuni uning dafn marosimi bo‘lib o‘tdi.