“The New York Times” gazetasining yozishicha, 32 mamlakatdan 240 ga yaqin olimlar JSSTdan koronavirusning havoda eng kichik zarrachalar orqali yuqishini tan olishni talab qilmoqda.
Jahon Sog‘liqni Saqlash Tashkiloti esa koronavirus bemor yo‘talganda va aksa urganda havoga tushadigan tomchilar hamda buyumlarga tekkandagina yuqishini aytmoqda.
Ammo olimlar koronavirusni mayda zarralar sabab, ayniqsa, bino ichida ham yuqtirish mumkinligiga ishonishmoqda.
JSSTning infeksiyani nazorat qilish bo‘yicha texnik direktori Benedett Allegransi ushbu qarash tasdiqlanmagan deb hisoblamoqda.
Material mualliflarining ta’kidlashicha, agar koronavirusning havo orqali tarqalishi taxmini tasdiqlansa, JSST o‘z tavsiyalarini yanada jiddiylariga o‘zgartirishga majbur bo‘ladi.
Xususan, niqob taqish hatto ijtimoiy masofa saqlangan holatda ham tavsiya qilinadi. Shifokorlarga qo‘yiladigan talablar yanada kuchaytiriladi - ular hatto eng mayda zarralarni ham filtrlaydigan niqob taqishlari kerak bo‘ladi.
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
Iqtisodiy jihatdan Moldova faqat Rossiya bilan hamkorlikda rivojlana oladi
