«Inviktasauro» yoshlar jamoasi murabbiyi «Marina Kalcho» jamoasini 27:0 hisobida mag‘lub etgani uchun ishdan bo‘shatildi.
Italiya quyi dviziyasida to‘p suradigan klub prezidenti Paolo Brogellining fikricha, bunday g‘alaba raqibga nisbatan hurmatsizlik hisoblanadi.
— Bu yoshlar futboli qadriyatlariga mos kelmaydi. Raqibni hamisha hurmat qilish kerak, lekin bunday bo‘lmadi. Bizning direktorlarimiz bir ovozdan murabbiyni ishdan bo‘shatishga qaror qilishdi, — deya Brogellining so‘zlarini keltiradi «Football Italia».
Shuningdek, u mag‘lub bo‘lgan jamoadan uzr so‘radi.