Shavkat Mirziyoyev 20 mln so‘m oylik olayotgan jarroh haqida gapirdi

Menga bir o‘qituvchi aytyapti, 3 yil oldin 1,1 mln so‘m oylik olardim, hozir 5,5 mln olyapman. Siz meni ilmga qaytardingiz, dedi.

Andijondagi klinikada xirurgiya kafedrasi mudiri men bilan uchrashuvda shunday dedi: “Men fan doktoriman, kafedra mudiriman, jarrohman. 5 yil oldin 1,7 mln so‘m oylik olardim. Odamlar qo‘liga qarashga majbur edim. Hozir 20,5 mln so‘m oylik olyapman. Yuzim yorug‘ bo‘ldi, qo‘lga qarashimga hojat qolmadi”.

Men avval ham aytganman – o‘qituvchilar maoshini 1000 dollarga yetkazmaguncha tinchimayman. Bir so‘m pul topsam, ellik tiyini shularniki.